Tungod sa wala nasunod nga mga rekitos sa pagbaligya og mga frozen meat, gipaundang sa syudad pinaagi sa City Veterinary Office (CVO) ang mga vendors sa Cogon ug Carmen market pagbaligya sa maong mga produkto sugod niadtong Lunes Hulyo 13, 2026.

 

Alayon niini, mokabat 384 Kg sa imported frozen pork meat ang gi-confiscate sa hiniusang puwersa sa City Vet, National Meat Inspection Service (NMIS), ug City Health Office (CHO) atol sa gihimong Joint Meat Safety Inspection diha sa Cogon market Martes Hulyo 14, 2026.

 

Lakip san a-confiscate ang 27 kg nga local fresh pork meat ug 39 kg chicken meat tungod sa dili insakto nga meat handling ug storage ingon man pagbaligya og imported frozen meat products nga wala ang gi-required nga cold storage facilities.

 

Gipasabot ni City Veterinarian Dr. Helen Ann Tacandong, dept’ manager sa City Veterinary Office nga subay sa Administrative Order No. 06, Series of 2012 sa Department of Agriculture (DA) ang frozen nga karne kinahanglan ibutang sa temperature nga 0°C o mas ubos pa ug ibaligya lamang gikan sa mga aprobadong freezer unit.

 

Samtang ang karne nga natunaw na (thawed meat) kinahanglan ibutang sa temperature nga 5°C o mas ubos pa sa hustong kondisyon nga kontrolado ang temperature.

 

Hinuon daghan sa mga meat vendors sa Cogon market ang nisunod sa pahibalo sa mga personahi sa City Vet human niini nadawat ang sulat gikan sa buhatan sa NMIS sa niaging semana.

 

Alayon niini, subling gipahinumduman sa syudad sa administrasyon ni Mayor Rolando `Klarex’ Uy ang mga meat vendors nga sundon ang hustong kalimpiyo sa pagduma, pagtago, ug pagkontrol sa temperature aron masiguro nga luwas ug himsog ang karne nga mapalit sa mga konsumidor.

 

Magpadayon usab ang CVO, NMIS, ug CHO pagpahigayon sa regular inspections, information and education campaigns ingon man enforcement activities aron masiguro ang full compliance sa R.A. 9296, ug ang kamanduan sa DA. (ALR/CIO/Photos from CVO)