KAPIN 100 ka mga partisipante ang malampusong migradwar sa usa ka adlaw nga Filipino Brand of Service Excellence training, Myerkules, Mayo 20, sa City Tourism Hall, nga gipaluyohan sa City Tourism and Cultural Affairs Office kauban ang Department of Tourism Region 10.

 

Gipadangat ni Acting City Tourism Officer Mark Kenneth Jalapadan iyang pasalamat sa mga misalmot sa maong pagbansay nga gilangkoban sa mga kawani sa city hall, estudyante, ug mga representante gikan sa mga accomodations industry, travel and tours agency, white water rafting CDO vendors association.

 

Sumala ni CTCAO Standards, Regulation and Training Division Head Atty. Spencer P. Palen, laraw sa maong pagbansay nga mapalambo pa ang kalidad sa serbisyo sa natad sa turismo ug matuhop ang 7 Filipino core values nga; Maka-Diyos, Makatao, Makakalikasan, Makabansa, Masayahin, May Bayanihan ug May Pag-asa diha sa inadlaw-adlaw nga pag-atubang sa kliyente/customer. (AGP/Photos by Jomar Figuracion/CIO