NAKAPAHIMULOS ang 1,791 ka molupyo sa Brgy Consolacion sa People’s Day Program ni Mayor Klarex Uy adlaw'ng Miyerkules, Mayo 20 ning tuig.

 

Lakip sa gitanyag nga mga serbisyo ang pagpanghatag og medical assistance, libre’ng wheelchair, arroz caldo, pagtubag sa nanginahanglan og trabaho, mga pangutana kalabot sa birth registration, city scholarship, renewal sa business permit ug uban pa.

 

Aduna usab libreng 5-kilo nga bugas ug lollipop alang sa mga bata nga personal nga donasyon sa pamilya ni Mayor Klarex Uy.

 

Tumong sa People’s Day ang mapaabot ang serbisyo sa city hall sa mga kabaranggayan uban sa pagsunod sa mantra ni Mayor Klarex Uy- ang pagpaduol sa gobyerno ngadto sa katawhan ug mapaduol ang gobyerno ngadto sa katawhan. (NLB/CIO/photos by Kim Zaldivar/CIO)